فلسطيني ممنوع تعييش

فلسطيني وممنوع تعيش..!!
فلسطيني وممنوع تعيش..!!

بسم الله الرحمن الرحيم
السلام عليكم ورحمة الله وبركاته

فسطيني ممنوع تعيش

قالولك اسكت متحكيش

إنتا خلقت للتلطيش

للحواجز للمصايب للتفتيش

كتبوا ع جبينك ينداس

من الضابط حتى الشاويش

فلسطيني و ممنوع تثور

مش مسموح تكون منصور

إياك تطالب بحقك

إوعك يوم تشوف النور

ممنوع تجدد هوية

ممنوع تجدد باسبوورد

فلسطيني و بدك تتعلم

هاي شغلة ضد الدستور

فلسطيني و لازم تتألم

من غير ما يشوفك دكتور

فلسطيني و ممنوع تتنظم

و لا يطلع بجناحك ريش

فلسطيني و ممنوع تعيش

قلتلهم :
إزا أنا فلسطيني مخلوق للتلطيش

غيري انخلق للدعس و التدفيش

إحنا فلسطينية راسنا مرفوع

و الحق عنا مسموع

و الذل عنا ممنوع

فلسطيني و القلب ثاير

و عالخير بتلاقيه داير

و دمِّي لبلدي دايماً فاير

قال ممنوع تجدد هويَّة !
ليش؟

على أساس ضد قوانين الإنسانية

و لاَّ هالقوانين بس للفلسطينية ؟!

بدي أجدد هويَّة

و أرجع ع بلادي الأًصلية

أصلي مش بايع هالقضية

زي باقي دولنا العربية !

قال فلسطيني ممنوع تتألم !

ولك إحنا بدمنا كل الدنيا بتتيمَّم

و كل العالم يسكت و بس هوَّ يتكلم
يصرخ ،
يحكي ،
يغني ،
مش شغلك ما دام ع غيره ما قدَّم !

ممنوع يشوفه دكتور !

شو ناسيين إنو هاد إِشي ضد الدستور ؟!

شوف
ما بدي هالدكتور

بخيِّط هالجرح برموشي

بخصل شعري

بخيوط النُّور

اسمعني باختصار

إحنا فلسطينية

أرضنا إسلامية

قبل ما تكون عربية

و كلمتنا مسموعة و قوية

ضفاوية و غزاوية

بتجمعنا أرض وحدة

فلسطين الأبية

فلسطيني و بدي أعيش

غصب عن إلي بيرضى و إلي بيرضاش

إلي بيسوى و إلي بيسواش

ع راسي كل الفلسطينية

مما راق لى
اتمنى ان ينال اعجابكم

رااااااااااااااااااااااااااااااااااااااااااااااااااااااائعة والله كلامك طابق

ياحبي كتير رائعة يسلمو من حقك تعبري على شعورك نتمنى لكي الحرية يا سلا م والله رائعة

مشكوووووووووووووووووووووووووووووووورة يا ريتاج كلك زوووووء ونورتي صفحتي

وشكرا لمرورك

تسلم ايدك
كلمات روعة
الله يفرج عنكم

الله يسلمك يا رب

نورتي صفحتي

امييييييييييييين

» انا فلسطيني وبفتخر